Þungu fargi af frúnni létt

Það er með ólíkindum hvað það var mikill létir að hafa lokið þessu fyrsta munnlega prófi mínu og vel að merkja staðist það með ágætum - verð náttúrulega að monta mig pínulítið.

Nú er framundan vikufrí áður en næsta törn hefst og hef ég hugsað mér að haga mér eins og Dönsku gulldrengirnir - gera nákvæmlega ekki neitt annað en að slappa af, njóta þess að vera með fjölskyldunni og hafa komist í gegnum þessa þrekraun án þess að tapa glórunni endanlega.

Ég er nefnilega sannfærð um að það var næstum jafnmikil líkamleg og andleg áreynsla fyrir mig að fara i munnlegt próf  - eins og það var fyrir strákana að sækja heim EM-Gullið..... Ok - kannski smá ýkjur en þetta var samt ótrúlega erfitt (átröskun, sviti og svefnlausar nætur) og ég ætla semsagt bara að njóta þess að vera með dönsku þjóðinni í sigurvímu.

Vel að merkja voru Danir vel að gullinu komnir, spiluðu ótrúlega vel í keppninni og Kasper Hvit markmaður hreint einstakur.  Til hamingju Danir.

 

 

  

Athugasemdir

[Guðmundur Rúnar (IP-tala skráð) 28.1.2008 kl. 22:43]

Til hamingju með þetta mín kæra.
Vil samt benda þér á að þú ert ekkert fórnarlamb. Einkennin sem þú telur upp, svefnleysið, óregla í mataræði, svita- og kvíðaköst - þú valdir þetta sjálf - þetta er klárt og hreint sjálfskaparvíti.

[Guðrún Árnadóttir, 29.1.2008 kl. 13:21]

Já - verð víst að viðurkenna að þú hefur rétt fyrir þér hvað þetta varðar og sem betur fer eru próftímabilin bara smá hluti af þessu öllu. Alla jafna er námið mjög skemmtilegt  og ég nýt þess að hafa tækifæri til að "bara" vera í skóla. - Þökk sé Viggo mínum sem sér um allt annað.