Skipulag - tónleikar og bollur

Eftir langa pásu frá hefðbundnum skóladögum var hafist handa í á nýjan leik í dag. Framundan er því að snúa sólarhringnum aftur í eðlilegt horf og koma sér upp rútínu við lesturinn,  þar sem ráð er gert fyrir svefn og matmálstímum á nokkurn veginn hefðbundnum tímum þ.e eins og hjá flestu venjulegu vinnandi fólki. Reyndar verða kvöldmatartímarnir á þessu heimili hér eftir sem hingað til rokkandi, -  allt eftir  æfingatöflu sunddrottningarinnar á heimilinu.

Um helgina var staðið í ströngu,  "Árnastofu" var breytt í vinnuherbergi fyrir frúnna, Matti og Guðrún drógu okkur með sér á tónleika og auðvitað voru bakaðar ekta rjómabollur í tilefni bolludags.

Tónleikarnir voru frábærir.   

Ég verð nú að játa það að þegar Matti hringi í mig vissi ég ekkert um hvern hann var að tala, þegar hann spurði hvort við hefðum ekki áhuga á að fara á Mugison tónleikana - sagðist skyldi nefna það við Viggo og hafa svo samband. Víkingur var sem betur fer betur að sér í tónlistinni en ég sem aldrei man hvað nokkurt lag, hljómsveit eða tónlistarmenn heita... er í æ þú veist lagið þarna la..la...la..lala deildinni og mundi svo auðvitað ekki nafnið bara Mo...eða Mug..eitthvað.   Hann kveikti sem betur fer á perunni og  við ákváðum að skella okkur og því sé ég ekki eftir. Strákarnir fóru á kostum og ég var hreinlega heilluð af kraftinum, húmornum og orkunni í þeim. Mæli enda með að gamlingjar á mínum aldri sem ekki hafa uppgötvað þessa ungu menn taki sig til og hlusti á þá.   

Athugasemdir

[Fanney Björg Karlsdóttir, 4.2.2008 kl. 18:13]

ertu búin að búa í mööörg ár í DK Guðrún mín....... Mugison...er eitt af stóru nöfnunum í músíkinni hér heima á Fróni..... og það er satt hjá þér...þetta eru snillingar...

[Guðrún Árnadóttir, 5.2.2008 kl. 09:59]

Nei ekki svo ýkja lengi (rúm þrjú ár) en eins og ég sagði þá er ég bara svo úti að  _ _ _ _ _  þegar kemur að því að muna nöfn á tónlistarfólki, lögum hljómsveitum, kvikmyndum, leikurum og svona frægu fólki  yfir höfuð.

[Guðmundur Rúnar (IP-tala skráð) 5.2.2008 kl. 23:25]

En hefurðu heyrt talað um FZ?